اسلام آباد۔13نومبر(اے پی پی) وزیراعظم محمد شہبازشریف آکھیے چین پاکستان دا پراݨا یار اے تے ݙوہیں ملکاں وچال تعلقات کوں تکڑا کرݨ دا نواں دور شروع تھی چکیے ،حکومت پاکستان چینی شہریاں دی سکیورٹی یقینی بݨاوݨ سانڳے ہرممکن قدم چیندی پئی اے ۔ وزیر اعظم آفس دے میڈیا ونگ توں جاری پریس ریلیز موجب وزیر اعظم محمد شہباز شریف چین دے نائب وزیر اعظم ڈنگ شوئیشیانگ نال کاپ-29 دے کلائمیٹ ایکشن سربراہی اجلاس دے موقع تے ملاقات کیتی۔ملاقات اچ پاکستان اتے چین وچال ݙوطرفہ تعاون دے ودھارے تے ڳالھ مہاڑ تھئی ۔ملاقات اچ وزیر اعظم چینی وزیر اعظم دے اڄوکے دورہ پاکستان دا ذکر کریندے آکھیے چین پاکستان دا پراݨا یار اے تے ݙوہیں ملکاں وچال تعلقات تکڑے کرݨ دا نواں دور شروع تھی چکیے ۔ملاقات اچ چینی شہریاں دی پاکستان اچ سکیورٹی سانڳے حکومتی اقدمات تے روشنی پیندے وزیر اعظم آکھیے حکومت پاکستان چینی شہریاں دی سکیورٹی یقینی بݨاوݨ سانڳے ہرممکن اقدامات چیندی پئی اے ۔وزیر اعظم حکومت دے دہشتگردی دی عفریت دے پاکستان توں مںڈھوں خاتمے سانڳے اقدامات دا ذکر کریندے آکھیے حکومت ملک توں دہشتگردی منڈھوں مکاوݨ سانڳے پرعزم اے۔ چینی نائب وزیر اعظم پاکستان نال رل تے سکیورٹی چیلنجز کوں عبور کرݨ تے ݙوہیں ملکاں دے عوام دی ترقی تے خوشحالی سانڳے پاک-چین تعاون ودھاوݨ دی خواہش ظاہر کیتی
.jpg)