اسلام آباد۔1جون (اے پی پی):نائب وزیراعظم تے وزیر خارجہ سینیٹر محمد اسحاق ڈار صحت دی ݙیکھ بھال کرݨ آلے پیشہ ور ماہرین لوکاں تے زور ݙتے جو او ہمدردی نال ضرورت منداں تے مستحق لوکاں سانڳے فرائض نبھیندے ہوئیں آپݨے عظیم پیشے تے علم نال جڑیے رہن ،پاکستان اچ صحت دی فیکھ بھال دے نظام دا مستقبل روشن اے۔ ایچ بی ایس میڈیکل اینڈ ڈینٹل کالج دے کانووکیشن دی تقریب توں خطاب کریندے ہوئیں نائب وزیر اعظم آکھیے صحت دی ݙیکھ بھال دے شعبے اچ پیشہ ور لوکاں کوں مستحق اتے نادار لوکاں دی ضرورتاں کوں اولین ترجیح ݙیوݨی چاہیدی اے تے اسلام دی ݙسائی ڳئی ݙوجھیں دی بہتری دی کوششاں دے اعلیٰ اقدار کوں بھلݨا نی چاہیدا جیندے اچ صحت دے شعبے اچ کم کرݨ تے زور ݙتا ڳئے ۔ محمد اسحاق ڈار آکھیے طبی شعبہ نال جڑیے لوک رل تے پاکستان کوں دنیا اچ ھک ترقی یافتہ تے خوشحال مقام ݙیوا سڳدن کیوں جو ساݙے وطن اچ ٻہوں صلاحیت تے ساݙی قوم سارے چیلنجز تے قابو پاوݨ سانڳے ٻہوں صلاحیت رکھیندی اے۔ انہاں حوالہ ݙتے جݙاں اساں حکومت بݨائی تواں ملک ڈیفالٹ کرݨ دی جاہ تے ہئی لیکن معاشی بحالی یقینی بݨاوݨ سانڳے سخت اقدامات کیتے ڳئے ۔ نائب وزیراعظم G20 دا رکن بݨݨ سانڳے مخلصانہ کوششاں کرݨ تے زور ݙتا ۔ انہاں مزید آکھیے “حالات بدلدے پئن تے پاکستان اقوام عالم اچ کلھا کائنی جیویں جو کجھ ناقدین دعویٰ کریندن ۔ وزیر خارجہ ایں اعتماد دا اظہار کیتے جو وزیر اعظم محمد شہباز شریف اتے سابق وزیر اعظم محمد نواز شریف دی قیادت اچ موجودہ حکومت قائد اعظم محمد علی جناح اتے علامہ محمد اقبال دے تصور موجب ملک کوں معاشی خوشحالی آلے پاسے گھن ویسوں ۔ نائب وزیراعظم و وزیر خارجہ سینیٹر محمد اسحاق ڈار آکھیے جو ھک کمیٹٰ میڈیکل سیکٹر دے مسئلے حل کرݨ سانڳے کم کریندی پئی اے اے کمیٹی ملک اچ صحت دی ݙیکھ بھال دی طلب اتے رسد دا جائزہ گھنسی ۔
.jpg)