اسلام آباد۔1مارچ(اے پی پی)وزیراعظم محمد شہباز شریف اسلام آباد دی سرکاری عمارتاں اچ آندے 7 ہفتیاں اچ سولر سسٹم لاوݨ دی ہدایت کریندے ایندا دائرہ کار پورے ملک اچ وفاقی سرکاری عمارتاں تئیں ودھاوݨ دا حکم ݙتے جو حکومت ڳھٹ لاگت اتے ماحول دوست بجلی نال عوام دے کھیسے تے ٻھار ڳھٹاوݨ دی کوشش کریندی پئی اے۔ اے ڳالھ انہاں ملک اچ سرکاری عمارتاں دی سولرائزیشن تے اڳونہی دے جائزہ اجلاس دی صدارت کریندے آکھی۔ اجلاس اچ ݙسایا ڳیا جو اسلام آباد اچ 496، ملک دے وݙے شہر جیویں کراچی، لاہور، فیصل آباد، کوئٹہ اچ 340 اتے ٻئے علاقیاں اچ 1255 سرکاری عمارتاں تے سولر پینلز لائے ویسن۔ اجلاس اچ سابق وزیرِ اعظم شاہد خاقان عباسی، وفاقی وزراء خواجہ آصف، اسحاق ڈار، مشیرِ وزیرِ اعظم احد خان چیمہ، معاونِ خصوصی جہانزیب خان اتے متعلقہ اعلی حکام شرکت کیتی۔ وزیراعظم متعلقہ حکام کوں سولرائزیشن منصوبہ تیکھے مکمل کرݨ دی ہدایت کریندے آکھیے جو درآمدی ایندھن تے انحصار ڳھٹاوݨ کیتے اقدامات سانڳے کوئی رکاوٹ برداشت نا کیتی ویسی۔
.jpg)