اسلام آباد۔ 16نومبر(اے پی پی)اطلاعات اتے نشریات بارے وزیراعظم دی معاون خصوصی ڈاکٹر فردوس عاشق اعوان آکھیے جو حکومت عدالتاں دا احترام کریندی اے،نوازشریف کوں بیرون ملک ونجنڑ ڈیونڑ اچ کوئی رکاوٹ نہ پاتی ویسی بھل تفصیلی عدالتی فیصلہ آونڑ توں بعد ایندا جائزہ گھداویسی جوایکوں چیلنج کیتا ونجے یا بئی کوئی حکمت عملی اپنائی ونجے، ساڈی قانونی ٹیم ایندا جائزہ گھنسی جو عدالت حکومت کوں کیا ہدایت کیتی اے،حکومت دا بیانیہ کہیں دی ذات یا سیاست نال نئیں قانون و آئین دی پاسداری دا اے بھل افسوس اے جو مسلم لیگ( ن) ایکوں انسانی دی بجائے سیاسی مسلہ بنڑاونڑاچ ویلھا ونجائے،حکومت نوازشریف کوں علاج کیتے ہر سہولت ڈتی اے، میڈیکل بورڈ وی بنڑائے اتے انہاں کوں گھر بھیجا گئے بھل ایندے تے وی مسلم لیگ ن ولوں حکومت دی نیت تے شک کیتا گئے اتے ایکوں سیاسی انتقام بنڑاونڑ دی کوشش کیتی گئی اے جیہڑا ہک قابل مذمت اقدام اے۔ہر سہولت ڈتی اے، طبی سہولتاں ڈتن جو او گھر وی لگے گین ۔انہاں آکھیے جوھکومت خالص انسانی بنیاد تے نوازشریف کوں بیرون ملک علاج کیتے ونجنڑ دی اجازت ڈتی ہئی اتے انہاں تے مجرم ہوونڑ پاروں انڈیمنتی بانڈ دی شرط لائی ہئی بھل افسوس اے جومسلم لیگ ن ایکوں وی اپنڑی سیاست کیتے استعمال کیتے اتے نوازشریف دی صحت کوں وی دا تے لا ڈتے۔انہاںا ٓکھیے جو پی ٹی آئی دی حکومت عدالتاں دا احترام کریندی اے،نوازشریف کوں بیرون ملک ونجنڑ اچ کوئی رکاوٹ نہ پاتی ویسی بھل انہاں دے ولنڑدے حوالے نال تحفظات دور کرنڑ کیتے اے فیصلہ کابینہ کریسی جوعدالت فیصلے تے کیہڑی حد تئیں اتے کیویں اپیل کیتی ونجے یا ایندے تے بئی کیہڑی حکمت عملی اپنائی ونجے۔ایں موقع تے اٹارنی جنرل انور منصورخان آکھیے جو نوازشریف دی ضمانت تے حکومت مخالفت نئیں کیتی،اے صرف عدالت دا عبوری حکم اے ، عدالت حکومتی موقف رد نئیں کیتا صرف نوازشریف کوں انسانی بنیاد تے ریلیف ڈتے،مسلم لیگ ن ایندے تے وی راضی کوئنا ہئی جو او انڈیمنٹی بانڈ ڈیسی بھل لاہور ہائیکورٹ اچ بیان حلفی وی انڈیمنٹی بانڈ توں کوئی گھٹ اہم کائنی، جیکر نوازشریف نہ ولیے تاں انہاں کوں توہین عدالت سودھابئے کئی اخلاقی اتے قانونی مسلیاں داسامنڑا کرنڑا پوسی۔
.jpg)
