اسلام آباد۔14اگست (اے پی پی):پاکستان اچ ڈنمارک دی سفیر لیز روزن ہولم پاکستان دے 75ویں یوم آزادی تے مبارخ ݙیندے ہوئیں پاکستانی عوام کیتے نیک خواہشات دا اظہار کیتے ۔اتوار کوں پاکستان دی آزادی دی ڈائمنڈ جوبلی دے موقع تے ڈنمارک دی سفیر لیز روزن ہولم آپݨے پیغام اچ آکھیے جو اساں پاکستان دے شاداب مستقبل کیتے رل تے کم جاری رکھݨ دے منتظر ہیسے ، انہاں آکھیے ہݨے ہی پاکستان تے ڈنمارک توانائی اتے پاݨی دے شعبیں اچ تعاون ودھاوݨ کیتے ھک بین الحکومتی فریم ورک معاہدے تے دستخط کیتن ، پاݨی، توانائی اتے ٻئے شعبیں اچ پاکستان دے نال اے تعاون ھک تحفہ اے جیڑھا جو ڈنمارک دے عوام پاکستان دے 75ویں یوم آزادی دے موقع تے پاکستان کوں ݙتے ، معاہدے تے ڈنمارک دے سفیر لیز روزن ہولم اتے اقتصادی امور ڈویژن دے نمائندے دستخط کیتن۔
.jpg)
