قائم مقام صدر سید یوسف رضا گیلانی دا ایران نال تجارتی تے کاروباری رابطے تکڑے کرݨ تے زور

2025-03-05 17:37:17

APP46-111024 ISLAMABAD: October 11-The Ambassador of Iran to Pakistan, Dr. Reza Amiri Moghadam, called on the Acting President Syed Yousaf Raza Gilani, at Aiwan-e-Sadr in Federal Capital.APP/ABB/SSH

اسلام آباد۔11اکتوبر(اے پی پی) قائم مقام صدر سید یوسف رضا گیلانی ایران نال تجارت، سلامتی، ثقافت اتے تعلیم دے شعبیں اچ ??و پاسے تعاون مستحکم کرݨ تے زور ݙیندے آکھیے پاکستان تے ایران وچال گھاٹے تاریخی، مذہبی اتے ثقافتی تعلقات ہن تے پاکستان دے عوام ایرانی عوام نال ٻہوں احترام اتے محبت رکھیندن ۔ایوان صدر دے پریس ونگ توں جاری بیان موجب اے ڳالھ انھاں اڄ ایوان صدر اچ ایران دے سفیر ڈاکٹر رضا امیری مغدم نال ملاقات اچ آکھی ۔ ملاقات اچ قائم مقام صدر ایں ڳالھ تے زور ݙتے جو پاکستان اتے ایران کئی بین الاقوامی اتے علاقائی فورمز دے فعال رکن رہین ۔ ݙوہیں ملکاں دے نال وسیع تر خطے نال رابطے ودھاوݨ سانڳے موجودہ تعاون دی حقیقی صلاحیت کوں بروئے کار گھن آوݨ دی لوڑھ اے ایرانی سفیر ایں ڳالھ تے اطمینان کیتے جو پاکستان گزریل سال ایران دا پنجواں وݙا تجارتی شراکت دار ہئی تے ݙوہیں ملکاں وچال ??و پاسے تجارت دے موجودہ حجم کوں 10 ارب ڈالر تئیں ودھاوݨ دے موقع ڳولݨ دی لوڑھ تے زور ݙتے ۔ خطے دی غیر مستحکم صورتحال تے ڳالھ کریندے سفیر آکھیے اساں لبنان اتے غزہ اچ نسل کشی دے واقعات ݙیکھدے پیوں ، انھاں7 اکتوبر 2024 کوں آل پارٹیز کانفرنس (اے پی سی)کراوݨ تے حکومت پاکستان دی تعریف کیتی تے مزید آکھیے اے ساݙے فلسطینی بھرا تے بھیݨاں دی حمایت کرݨ عالم اسلام سانڳے ھک رول ماڈل دا کم کرسڳدے قائم مقام صدر عزم دا اعادہ کیتے جو پاکستان فلسطینی کاز دی حمایت سانڳے پرعزم اے ، قائم مقام صدر ہر سال ایرانی مذہبی جہیں دا دورہ کرݨ آلے پاکستانی زائرین کوں سہولت ݙیوݨ تے ایرانی حکومت دا شکریہ ادا کیتے۔ انہاں پاکستانی زائرین دے روحانی سفر دے دوران ایرانی عوام دی محبت دا اعتراف کیتے