اسلام آباد۔16جنوری(اے پی پی) وزیراعظم محمد شہباز شریف محصولات متعلق سارے کیساں کوں وختی توں وختی نبیڑݨ سانڳے اقدامات چاوݨ دی ہدایت کریندے آکھیے ٹیکس محصولات متعلق کیسز اچ ایف بی آر دی طرفوں چنڳی شہرت دے حامل وکلاء دی خدمات ڳھدیاں ونڄن ۔ وزیراعظم آفس دے میڈیا ونگ توں جاری بیان موجب وزیراعظم محمد شہباز شریف دی صدارت اچ ایف بی آر دے محصولات دے حوالے نال زیر التوا ءکیساں تے جائزہ اجلاس تھیا ۔وزیراعظم آکھیے محصولات متعلق تمام کیساں کوں وختی نبیڑݨ سانڳے اقدامات کیتے ونڄن ، ٹیکس محصولات متعلق کیساں اچ ایف بی آر دی طرفوں چنڳی شہرت دے حامل وکلاء دیاں خدمات ڳھدیاں ونڄن ۔ انہاں آکھیے ایف بی آر دے نظام اچ تکھے اصلاحات نافذ کریندے پیوں ، الحمد للہ ایف بی آر اچ اصلاحات دے مثبت نتیجے آوݨ دا سلسلہ جاری اے ۔ وزیراعظم محصولات دے حوالے نال کیساں دا فرانزک آڈٹ کراوݨ دی وی ہدایت کیتی۔ وزیراعظم آکھیے ایجھے افسر جیڑھے کمزور یا غلط بنیاداں تے کیس بݨاوݨ اچ ملوث پاتے ڳئن انہاں کوں قرار واقعی سزا ݙتی ویسی ایجھے افسران جنہاں دیانتداری اتے محنت نال میرٹ تے کیس بݨائے انہاں کوں خصوصی انعام نال نوازیا ونڄے ۔ اجلاس کوں ݙسایا ڳئے وزیراعظم دی ہدایت دے بعد چنڳی شہرت دے وکلاء کوں پینل تے گھن آوݨ نال جولائی توں دسمبر 2024 ہائی کورٹ اچ 586 کیسز جݙاں جو سپریم کورٹ اچ 637 زیر التواء کیسز نبیڑے ڳئن اجلاس کوں ݙسیا ڳئے ملک دی مختلف عدالتاں تے ٹربیونلز اچ 4.7 ٹریلین روپے دے 33522 کیسز ایں ویلھے التواء دا شکار ہن ۔ اجلاس کوں ݙسایا ڳئے وزیراعظم دی ہدایات موجب اعلیٰ عدالتوں دے حوالے نال ایف بی آر اچ لٹیگیشن مینجمنٹ ڈیش بورڈ تیار تھی چکے جݙاں جو وزارت قانون و انصاف اچ ٹیکس ٹربیونلز مینجمنٹ سسٹم دی تیاری وی حتمی مرحلے وچ اے جیں دا اجرا وختی کرݙتا ویسی ۔وزیر اعظم زیر التواء کیسز کوں وختی نبیڑݨ سانڳے اقدامات تکھے کرݨ دی ہدایت کیتی ۔ اجلاس اچ وفاقی وزیر اقتصادی امور احد خان چیمہ، اٹارنی جنرل منصول اعوان، چیئرمین ایف بی آر تے متعلقہ اعلیٰ حکام شرکت کیتی۔
