اسلام آباد۔5مارچ(اے پی پی) وزیراعظم محمد شہبازشریف خطے اچ انسداد دہشت گردی سانڳے پاکستان دے کردار تے حمایت کوں منݨ تے تعریف کرݨ تے امریکی صدر ڈونلڈ ٹرمپ نال اظہار تشکر کریندے آکھیے اساں دہشت گردی دے خلاف جنگ اچ آپݨے پکے عزم تےغیرمتزلزل وابستگی تے قائم ہن ،علاقائی امن اتے استحکام سانڳے امریکا نال شراکت داری جاری رکھیسوں۔ایکس تے آپݨی پوسٹ اچ وزیراعظم آکھیے اساں امریکی صدر ڈونلڈ ٹرمپ دا شکریہ اداکریندوں انہاں خطے اچ انسداد دہشت گردی دی کوششاں اچ پاکستان دے کرداردا اعتراف کیتے تے آئی ایس کے پی دے آپریشنل کمانڈر شریف اللہ جیڑھا افغانستان داشہری اتے ھک مطلوب دہشت گرد اے دی پاک افغان سرحدی علاقے اچ پاکستان دی سکیورٹی فورسز دی کامیاب کارروائی دے دوران گرفتاری دے تناظر اچ پاکستان دے کردار دی تعریف کیتی ، پاکستان ہمیشہ انسداد دہشت گردی دی کوششاں اچ اہم کردار نبھائے ، پاکستان کہیں ݙوجھے ملک دے خلاف کارروائی سانڳے دہشت گرداں اتے عسکریت پسند گروپاں کوں محفوظ پناہ گاہواں روکݨ تے یقین رکھیندے ۔وزیراعظم آکھیے اساں ہر قسم دی دہشت گردی مکاوݨ سانڳے پکے تے غیرمتزلزل عزم تے قائم ہن۔انسداد دہشت گردی سانڳے80ہزار توں ودھ بہادر سکیورٹی اہلکاراں اتے شہریاں اپݨی جاناں دا نذرانہ پیش کرتے عظیم قربانیاں ݙتن۔ ساݙی قیادت تےعوام دا اے غیر متزلزل عزم اے جو آپݨے ملک توں دہشت گردی دے ناسور کوں منڈھوں مکاون۔ وزیراعظم آکھیے علاقائی امن تے استحکام سانڳے امریکا نال نیڑے شراکت داری جاری رکھیسن
