اسلام آباد۔28 ستمبر(اے پی پی) قومی اسمبلی دا اجلاس سنوار شام 5 وڄے تھیسی جݙاں جو سینیٹ دا اجلاس منڳل کوں پچھلے پہر 4 وڄے تھیسی۔ قومی اسمبلی سیکرٹریٹ توں جاری بیان موجب قومی اسمبلی دا اجلاس 29 ستمبر سنوار شام 5 وڄے پارلیمنٹ ہاؤس وچ تھیسی۔ اجلاس دے دوران پارلیمنٹ ہاؤس دے احاطے وچ سیکیورٹی دے سخت انتظامات کیتے ڳئن۔ پارلیمنٹ ہاؤس دے احاطے وچ غیر متعلقہ لوکاں دے داخلے تے پابندی لڳی ہوئی اے۔ قومی اسمبلی دی پریس گیلری دی کوریج کرݨ آلے صحافیاں دے بجٹ اجلاس کیتے جاری تھئے پی وی سی پریس گیلری کارڈ موجودہ اجلاس کیتے وی کم آسِن۔ انہاں دے علاوہ، سینیٹ دا اجلاس 30 ستمبر منگل تریجھے پہر 4 وڄے پارلیمنٹ ہاؤس وچ سݙیا ڳئے۔ اجلاس وچ قانون سازی دے نال اہم قومی تے بین الاقوامی معاملات تے وی ڳالھ مہاڑ تھیسی۔
