ڈھاکہ۔23اگست (اے پی پی) نائب وزیرِاعظم / وزیرِ خارجہ سینیٹر محمد اسحاق ڈار ݙو ݙینھ دے سرکاری دورے تے بنگلہ دیش پڄ ڳئن۔ ڈھاکہ دے حضرت شاہ جلال انٹرنیشنل ایئرپورٹ تے بنگلہ دیش دے سیکرٹری خارجہ ایمبسیڈر اسد عالم سیام، بنگلہ دیش اچ پاکستان دے ہائی کمشنر عمران حیدر، پاکستان اچ بنگلہ دیش دے ہائی کمشنر محمد اقبال خان اتے ݙوجھے وݙے حکام نائب وزیراعظم دا استقبال کیتا۔ پاکستان ہائی کمیشن دے افسر وی ایں موقع تے موجود ہن۔ اے دورہ بنگلہ دیش دی حکومت دی خصوصی دعوت تے کیتا ویندا پئے۔ نائب وزیراعظم ڈھاکہ اچ اہم بنگلہ دیشی رہنماواں نال ملاقاتاں کریسن۔ نائب وزیراعظم بنگلہ دیش حکومت دے چیف ایڈوائزر پروفیسر محمد یونس، مشیر خارجہ محمد توحید حسین اتے ݙوجھے حکام نال اہم ملاقاتاں کریسن جنہاں اچ ݙو طرفہ تعلقات اتے علاقائی و عالمی امور زیرِ بحث آسن۔ دورے دے دوران ݙوہیں ملک ݙوپاسے تعاون ودھاوݨ کیتے کئی مفاہمت دیاں یادداشتاں تے دستخط وی کریسن۔
.jpg)
