راولپنڈی ۔7مئی (اے پی پی) ڈی جی آئی ایس پی آر لیفٹیننٹ جنرل احمد شریف چودھری آکھیے جو بھارت معصوم شہریاں کوں نش??نہ ٻݨائے ٻھل پاک فوج جوابی کارروائی اچ صرف فوجی ٹھکانیاں کوں چٹیے، معصوم شہریاں دے ناحق خون دے آخری قطرے تئیں دا پورا حساب گھدّا ویسی، کوئی وی مذہب عبادت گاہیں کوں نش??نہ بݨاوݨ دی اجازت نئیں ݙیندا، بھارت کوں اوندی جارحیت دا او جواب ݙیسوں جو کݙاھیں نال ٻھلسی۔ راولپنڈی اچ نیوز بریفنگ ݙیندے ݙی جی آئی ایس پی آر آکھیا جو بھارتی حملیاں دے بعد لائن آف کنٹرول اتے ورکنگ باؤنڈری تے بھارت ولوں فائرنگ اتے گولہ باری پاروں شہیداں اتے زخمیاں دی گݨتی ودھ ڳئی اے، بزدل بھارت حملے اچ معصوم شہریاں، مسیتاں اتے شہری آبادی کوں نش??نہ ٻݨائے ٻھل پاکستان اوکوں جیڑھا نقصان پچائے او شاید کݙاھیں نا ٻھل سڳسی۔ ڈی جی آئی ایس پی آر ݙَسّیا جو پاکستانی شہیداں دی گݨتی ودھ تے 31 تھی ڳئی اے اتے ایں ویلھے 57 بندے زخمی ہن، بھارت دے بزدلانہ حملے دی جِتنی وی مذمت کیتی ونجے گھٹ اے، معصوم شہریاں دے ناحق خون دے آخری قطرے تئیں دا پورا حساب گھدّا ویسی۔ انہاں آکھیا جو ساݙا دشمن کم ظرف، بزدل اے جئیں لُک تے معصوم شہریاں کوں نش??نہ بݨایا، معصوم ٻالاں اپݨی زندگی دیاں بہاراں حالے ݙیکھݨیاں ہن، کیا اے ہِن او دہشت گرد جنہاں کوں بھارت نش??نہ بݨایا؟ اے دہشت گردی نی تاں کیا اے؟ لیفٹیننٹ جنرل احمد شریف چودھری آکھیا جو ڳئی رات مسیتّاں کوں نش??نہ بݨایا ڳیا اتے قرآن پاک شہید کیتے ڳئن، ٻالاں کوں دہشت گردی دا نش??نہ بݨاوݨ کِتھو دی بہادری اے، دُنیا اچ او کیہڑا مذہب اے جیڑھا عبادت گاہیں کوں نش??نہ بݨاوݨ دی اجازت ݙیندے؟ ڈی جی آئی ایس پی آر آکھیا جو بھارت پاکستان وچ دہشت گردی کوں ودھارا ݙِتا، بھارت اپݨ?? سازشاں دے ذریعے دہشت گردی کوں ودھارا ݙیندا پئے۔ انہاں آکھیا جو پاک فضائیہ ولوں ویلھے سِر بھارتی جدید طیاریاں کوں زمین دی دھول چٹائی ڳئی، پاکستان دی بہادر ایئرفورس 3 رافیل سودھے 5 جہا?? مار ݙھوائن، بھارت دے 7 ڈرونز کوں وی تباہ کیتا اے، پاک فوج جوابی کارروائی وچ صرف فوجی ٹھکّیاں کوں نش??نہ بݨایا۔ لیفٹیننٹ جنرل احمد شریف چودھری آکھیا جو ایل او سی تے جوابی کارروائی اچ کئی بھارتی چیک پوسٹاں کوں تباہ کیتا ڳیا، بھارتی چیک پوسٹاں توں بغیر وجہ دے گولہ باری اتے فائرنگ کیتی ویندی پئی اے۔ ڈی جی آئی ایس پی آر آکھیا جو الحمدللہ مسلح افواج پاکستان دی کوئی شہادت نی تھئی، ایئرفورس دے کہیں طیارے کوں وی نقصان نی پُڄیا۔ انہاں آکھیا جو بھارتی حملے ویلھے 57 بین الاقوامی فلائٹس پاکستانی فضائی حدُود وچ ہن، بھارت سیکڑاں مسافراں دیاں جاناں خطرے اچ پاتین، نیلم جہلم ہائیڈرو پراجیکٹ کوں وی نش??نہ بݨائے۔ لیفٹیننٹ جنرل احمد شریف چودھری آکھیا جو قومی سلامتی کمیٹی دے اجلاس اچ مسلح افواج کوں بھارتی جارحیت دا جواب ݙیوݨ دا اختیار ݙے ݙِتا ڳیا، قوم کوں اپݨی بہادر فوج تے ماݨ اے?? ساݙی امن دی تکڑی خواہش کوں کݙاہیں وی کمزوری نہ سمجھیا ونڄے۔
