اسلام آباد۔9اکتوبر(اے پی پی)وزیراعظم دی فوکل پرسن انسداد پولیو عائشہ رضا فاروق ملک توں پولیو مکاوݨ کیتے حکومت پاکستان دے غیر متزلزل عزم کوں دوہریندے آکھیے جو 13 اکتوبر توں شروع تھیوݨ آلی قومی انسداد پولیو مہم دے دوران پنج سال توں گھٹ ??مر دے 4 کروڑ 50 لکھ توں ودھ نکے ٻالاں کوں پولیو توں بچاو?? دے قطرے پلائے ویسن۔ اے ڳالھ انہاں میڈیا کوں بریفنگ ݙیندے آکھی ۔انہاں آکھیا جو اکتوبر 2024ء اچ 11 لکھ توں ودھ ویکسین توں محروم رہ ونڄݨ آلے نِکے ٻالاں دی تعداد مئی 2025ء اچ گھٹ ??ھی تے تقریباً 8 لکھ 30 ہزار رہ ڳئی اے جیڑھھی چنڳی منصوبہ بندی، مؤثر احتساب اتے کمیونٹی شم??لیت دا مظہر اے۔ انہاں آکھیا جو ستمبر 2024ء توں ہݨ تئیں پاکستان اچ چھی پولیو مہم کامیابی نال پوریاں کیتیاں ڳئن جیں اچ 2025ء دے دوران ترائے قومی مہم شامل ہن جنہاں دے ذریعے ہر واری 4 کروڑ 50 لکھ توں ودھ نِکے ٻالاں تئیں پڄا ڳیا۔عائشہ رضا فاروق وزیراعظم اتے وفاقی وزیر صحت، ریگولیشنز اینڈ کوآرڈینیشن دے پولیو مکاوݨ کیتے مضبوط قیادت اتے مسلسل تعاون تے شکریہ ادا کریندے آکھیا جو مربوط حکمت عملی، مشترکہ منصوبہ بندی اتے اجتماعی عمل ہی مدافعتی خلاء کوں پُر کرݨ اتے اعلیٰ معیار دی مہم کراوݨ کوں یقینی بݨاوݨ کیتے ٻہوں ضروری ہن، انہاں آکھیا جو خا?? طور تے جنوبی خیبر پختونخوا اتے کراچی جیھے ہائی رسک علاقیں اچ جتھاں ماحولیاتی نمونیں اچ ہݨ وی پولیو وائرس دی موجودگی رپورٹ تھیندی پئی اے۔انہاں آکھیا جو پولیو مکاوݨ دی ذمہ واری صرف حکومت یا محکمہ صحت دی نی، بلکہ اساں ساریں دی سانجھی ذمہ واری اے۔ والدین، استاد، کمیونٹی دے وݙیریں اتے مذہبی رہنماواں دا کردار ایں مہم اچ ٻہوں اہم اے۔ اساں سارے والدین اتے سرپرستاں توں اپیل کریندوں جو جݙاں وی پولیو ٹیماں تہاݙے دروازے تے آون تاں انہاں کوں خوش آمدید آکھو۔ پولیو ویکسین دے ݙو قطرے تہاݙے نِکے ٻال کوں عمر بھر دی معذوری توں محفوظ رکھ سڳدن۔نیشنل ایمرجنسی آپریشنز سینٹر (این ای او سی) دے نیشنل کوآرڈینیٹر محمد انوار الحق مہم دی کامیابی کیتے حکومت دی بھرپور حمایت دا اعادہ کیتا اتے آکھیا جو مستقل رابطہ، مؤثر نگرانی اتے اعلیٰ معیار تے عمل درآمد، خا?? طور تے جنوبی خیبر پختونخوا ب??اک اتے کراچی جیھے ہائی رسک علاقیں اچ، ٻہوں اہم اے۔عائشہ رضا فاروق ہیلتھ ورکرز اتے سکیورٹی اہلکاراں دی انتھک محنت دی تعریف کریندے انہاں کوں ایں مشن دا اصل ہیرو قرار ݙتا۔ انہاں ویکسین توں محروم رہ ونڄݨ آلے نِکے ٻالاں دی تعداد اچ مزید کمی، مانیٹرنگ دے نظام کوں مضبوط بݨاوݨ اتے انسداد پولیو پروگرام کوں توسیعی حفاظتی ٹیکہ جات (ای پی آئی) دے نال مزید مربوط کرݨ دی لوڑھ تے زور ݙتا۔اکتوبر دی ایں مہم اچ چار لکھ توں ودھ صف اول دے پولیوورکرز، جنہاں اچ ݙو لکھ 25 ہزار توں ودھ تریمتاں ویکسینیٹرز شامل ہن، ملک اچ گھر گھر ونڄ تے نِکے ٻالاں کوں پولیو توں بچاو?? دے قطرے پلیسن۔ ایں موقع تے نِکے ٻالاں دی قوتِ مدافعت اچ ودھارے کیتے وٹامن اے دی اضافی خوراک وی ݙتی ویسی تاں جو او ٻیاں بیماریاں توں وی محفوظ رہ سڳن۔
