اسلام آباد۔ 15 جون (اے پی پی) نائب وزیراعظم اتے وزیر خارجہ سینیٹر محمد اسحاق ڈار آکھیے جو حک??مت پاکستان ب??لد?? ہوئی علاقائی صورتحال دی روشنی وچ پاکستانی شہریاں دی فلاح و بہبود اتے حفاظت کیتے ضروری اقدامات کریندی پئی اے۔ 450 پاکستانی زائرین کوں انخلا کیتے سہولت ݙتی ڳئی اے، جݙاں جو ایران وچ رہݨ آلے پاکستانی طلباء و طالبات دے 154 دے پہلے بیچ دے محفوظ انخلا کیتے انتظامات کیتے ویندے پئن۔ دفتر خارجہ توں جاری بیان موجب ، وزیر خارجہ محمد اسحاق ڈار آکھیے جو عراق وچ اساݙا سفارت خانہ انہاں پاکستانی زائرین نال رابطے وچ اے جیڑھا فضائی حدود دی بندش دی وجہ توں پھتے ہوئن۔ عراق وچ انہاں دے محفوظ قیام اتے ممکنہ انخلا کوں یقینی بݨاوݨ سانڳے اقدامات جاری ہن۔ دفتر خارجہ وچ کرائسز مینجمنٹ یونٹ 24 گھنٹے کم کریندا پئے۔ ایں کرائسز مینجمنٹ یونٹ نال فون نمبر 051-9207887 اتے ای میل: [email protected] تے رابطہ کیتا ونڄ سڳدے۔ انہاں آکھی?? جو خطے وچ اساݙے سفارت خانے پاکستانی شہریاں اتے زائرین دی مدد کیتے ساریاں ضروری کوششاں کریندے پئن۔
.jpg)
