اسلام آباد۔21ستمبر(اے پی پی) وزیراعظم محمد شہباز شریف 22 توں 26 ستمبر 2025 تائیں نیویارک وچ تھیوݨ آلی اقوام متحدہ دی جنرل اسمبلی دے 80ویں اجلاس دے ہائی لیول سیگمنٹ وچ پاکستان دے وفد دی قیادت کریسِن۔ انہاں دے رلے نائب وزیراعظم تے وزیرخارجہ سینیٹر محمد اسحاق ڈار، ٻئے وزراء تے سینئر حکام وی ہوسن۔ وزارت خارجہ توں جاری بیان موجب وزیراعظم اپݨے خطاب وچ عالمی برادری تے زور ݙیسِن جو او بھارت دے غیر قانونی زیر تسلط جموں و کشمیر تے فلسطین وچ عوام کوں حق خودارادیت کنوں محروم رکھݨ تے طویل قبضے دے مسائل دا وقتی حل کڈھن۔ او بالخصوص غزہ دے سنگین بحران دی طرف دنیا دی توجہ مبذول کرویسن تے فلسطینی عوام دی اوکھ مکاوݨ کیتے فیصلہ کن اقدامات چاوݨ دی لوڑھ تے زورݙیسِن۔ ایں توں انڄ وزیراعظم شہباز شریف علاقائی سلامتی، ماحولیاتی تبدیلی، دہشت گردی، اسلاموفوبیا تے پائیدار ترقی جیویں اہم عالمی مسئلیں تے پاکستان دا مؤقف وی پیش کریسن۔ وزیراعظم جنرل اسمبلی دے اجلاس دے موقع تے اعلیٰ سطحی تقریبات وچ وی شریک تھیسِن جنہاں وچ اقوام متحدہ دی سلامتی کونسل دے اجلاس، گلوبل ڈویلپمنٹ انیشی ایٹو (GDI) دی اعلیٰ سطحی میٹنگ تے ماحولیاتی اقدامات تے خصوصی اجلاس شامل ہن۔ او علاقائی و عالمی امن و سلامتی متعلق امور تے ڳالھ مہاڑ کیتے اسلامی ملکاں دے منتخب رہنماواں دے رلے امریکی صدر ڈونلڈ ٹرمپ نال ملاقات وچ وی شریک تھیسِن۔ اجلاس دے موقع تے وزیراعظم مختلف عالمی رہنماواں تے اقوام متحدہ دے اعلیٰ حکام نال ݙوطرفہ ملاقا??اں وی کریسن، جنہاں وچ سانجھی دلچسپی دے امور تے ڳالھ مہاڑ تھیسی ۔ او پاکستان دے سلامتی کونسل دے رکن دی حیثیت نال جھ??ڑے روکݨ ، امن ??ے ودھارے تے عالمی خوشحالی کیتے اقوام متحدہ دے منشور تے عملدرآمد دے عزم کوں وی اجاگر کریسن۔ وزیراعظم دی اے شرکت عالمی رہنماواں دے ساریں توں وݙے سالانہ اجتماع وچ پاکستان دے کثیرالجہتی نظام تے اقوام متحدہ نال مضبوط وابستگی دے عزم کوں اجاگر کریسی تے امن و ترقی دے مشترکہ مقاصد کیتے پاکستان دے پراݨے کردار کوں نمایاں کریسی۔
.jpg)
