راولپنڈی۔4 اکتوبر(اے پی پی) اکرہ تے سواد ڈیم سُکݨ توں گوادر تے جیوانی وچ پاݨی دی شدید قلت دا سامݨا اے، شادی کور ڈیم پائپ لائن توں پاݨی چوری تے گوادر ڈی سیلینیشن پلانٹ غیر فعال تھیوݨ توں بحران ٻیا سنگین تھی ڳیا۔ آئی ایس پی آر دی پریس ریلیز موجب صورت حال پاروں 29 ستمبر کوں گوادر وچ پاک فو?? تے ضلعی انتظامیہ دا ہنگامی اجلاس منعقد تھیا جیندے وچ گوادر کیتے ݙینھ وار 24 لکھ گیلن تے جیوانی کیتے ݙینھ وار پنج لکھ گیلن پاݨی دا ہدف مقرر کیتا ڳیا، ایندے علاوہ شادی کور پائپ لائن توں بہاؤ وچ ودھارا تے گوادر ڈی سیلینیشن پلانٹ بحال کرݨ دا فیصلہ کیتا ڳیا۔ وزیراعلیٰ بلوچستان میرانی ڈیم توں پاݨی کوں باؤزر دے ذریعے منتقل کرݨ دی وی منظوری ݙتی۔ شادی کور پائپ لائن ہݨ ݙینھ وار 12 لکھ گیلن پاݨی ݙیندی پئی اے، ڈی سیلینیشن پلانٹ کوں وی جزوی طور تے بحال کر ڳھدا ڳئے تے سن سٹار کنوؤں کیتے پائپ لائن دا کم مکمل تھیوݨ دے نیڑے اے جݙاں جو میرانی ڈیم توں ست واٹر باؤزر دی آمد جلدی متوقع اے۔ پاک فو?? تے ضلعی انتظامیہ دے اے اقدامات پاݨی دی گھٹ توں گھٹ ضرورتاں کوں پورا کریسن، علاقے وچ وقتی پاݨی دے بحران تے قابو پاڳھدا ویسی، موسمیاتی تبدیلی پاروں ایں قسم دے واقعات وچ ودھارا تھیوݨ دا خدشہ تھیندے۔ آبی ماہرین موجب پاݨی کوں ضائع تھیوݨ توں روکیا ونڄے تے ٻئے ڈیمز بݨائے ونجن، گوادر تے جیونی دے عوام پاک فو?? تے سول انتظامیہ دا پاݨی دا بحران حل کرݨ تے شکریہ ادا کیتا۔
