اسلام آباد۔16جنوری (اے پی پی) وزیراعظم شہباز شریف دا غزہ اچ جنگ بندی دا خیرمقدم کریندیں ہوئیں آکھیا جو پاکستان اقوام متحدہ دی قراداداں دے مطابق مسئلہ فلسطین دے ݙوریاستی حل کیتے آپݨے موقف دا اعادہ کریندے۔ جنگ زدہ علاقیاں اچ انسانی ہمدردی دی بنیاد تے امداد دی ترسیل ٻہوں اہم اے۔ امید اے جو جنگ بندی دا پورا احترام کیتا ویسی۔ خمیس کوں وزیراعظم آفس دے میڈیا ونگ توں جاری بیان موجب وزیراعظم آکھیا جو او اتے پوری پاکستانی قوم فلسطین خصوصی غزہ اچ جنگ بندی دا خیر مقدم کریندن۔ امن کیتے قطر، سعودی عرب، امریکا، مصر اتے ٻئے دوست ملکاں دی کوششاں بھلائی نی ونڄ سڳدی۔ وزیراعظم آکھیا جو جنگ زدہ علاقیاں اچ انسانی ہمدردی دی بنیاد تے امداد دی ترسیل ٻہوں اہم اے۔ امید اے جو جنگ بندی دا پورا احترام کیتا ویسی۔انہاں آکھیا جو پاکستان اقوام متحدہ دی قراداداں دے مطابق مسئلہ فلسطین دے ݙوریاستی حل کیتے آپݨے موقف دا اعادہ کریندے۔ 1967 توں پہلے دی حدود تے القدس شریف دارالحکومت دے طور آزاد فلسطین ای ایں مسئلے دا حل اے۔
