اسلام آباد۔26 اگست(اے پی پی)وزیراعظم محمد شہباز شریف مادرِ وطن دے دفاع کیتے پاک فضائیہ دے کردار دی تعریف کریندے آکھیے جو حق دی لڑائی اچ پاک فضائیہ دے شاہیناں دشمن دے جہاز ݙھوا تے اوکوں وݙا نقصان ݙتے۔ وزیراعظم آفس دے میڈیا ونگ دے مطابق ݙسایا ڳئے جو وزیراعظم نال پاک فضائیہ دے سربراہ ایئر چیف مارشل ظہیر احمد بابر سدھو اسلام اباد اچ ملاقات کیتی اے۔ وزیراعظم مادرِ وطن دے دفاع دے حوالے نال پاک فضائیہ دے کردار دی تعریف کیتی۔ انہاں آکھیا جو پاک فضائیہ دے شاہیناں وطن عزیز دی حفاظت کیتے سیسہ پلائی دیوار ہین۔ ملاقات اچ پاک فضائیہ دے پیشہ ورانہ معاملیاں تے وی ڳالھ مہاڑ کیتی ڳئی۔
