اسلام آباد۔17جولائی(اے پی پی)نائب وزیرِ اعظم و وزیر خارجہ سینیٹر محمد اسحاق ڈار اتے افغان وزیرِ اعظم ملا محمد حسن اخوند امن و سلامتی، تجارت و ٹرانزٹ تعاون اتے علاقائی رابطہ کاری سودھا آپسی دلچسپی دے معاملیاں تے گالھ مہاڑ کیتی۔ ݙوہیں رہنماواں مشترکہ تعاون دے عزم دا اعادہ کیتا اتے ݙو طرفہ تعلقات کوں ودھاوݨ کیتے اعلیٰ سطح رابطیاں کوں برقرار رکھݨ تے اتفاق کیتا۔ ترجمان دفتر خارجہ ولوں جاری بیان دے مطابق ازبکستان-افغانستان-پاکستان (یو اے پی) ریلوے راہداری دی مشترکہ فزیبلٹی سٹڈی دے فریم ورک معاہدے دی تقریب دے موقع تے پاکستان دے نائب وزیرِ اعظم و وزیر خارجہ سینیٹر محمد اسحاق ڈار افغان وزیرِ اعظم ملا محمد حسن اخوند نال ملاقات کیتی۔ ݙوہیں رہنماواں امن و سلامتی، تجارت و ٹرانزٹ تعاون اتے علاقائی رابطہ کاری سودھا آپسی دلچسپی دے معاملیاں تے ڳالھ مہاڑ کیتی۔ 19 اپریل 2025 کوں تھیوݨ آلی آپݨی گزریل ملاقات دا حوالہ ݙیندے ہوئیں انہاں جاری مشترکہ تعاون دا عزم دوہرایا اتے ݙو طرفہ تعلقات کوں ودھاوݨ کیتے اعلیٰ سطح رابطیاں کوں برقرار رکھݨ تے اتفاق کیتا۔